Auðlegð-eignastýring

Auðlegð er sérsniðin eignastýringarþjónusta sem hentar vel þegar sparnaður eða lausafé er yfir 15 milljónum króna.

Auðlegðarþjónustan einkennist af stöðugri vöktun eignasafnsins og því að sérstök fjárfestingarstefna er sett upp fyrir hvern viðskiptavin fyrir sig, þar sem tillit er til aðstæðna eiganda svo sem fjárfestingartíma, markmiða, afstöðu til áhættu, eðli annarra eigna sem og framtíðaráforma. 

Stýring og ávöxtun eignasafna getur verið tímafrek og krafist mikillar sérfræðiþekkingar, eignastýring er því skynsamlegur kostur fyrir þá sem vilja ná góðum árangri í fjárfestingum. Auðlegðarþjónusta hentar jafnt fyrir einstaklinga, fyrirtæki, félagasamtök, styrktar- eða lífeyrissjóði.


Sérstakur viðskiptastjóri sér um að vakta eignasafnið og vera tengiliður viðskiptavinar.  Viðskiptastjóri sér um að fara reglulega yfir hentugleika fjárfestingarstefnu og meta árangur í samráði við viðskiptavin. 

Þú getur kynnt þér Auðlegð betur með því að panta tíma hjá ráðgjafa: radgjof@audur.is


Auður hefur veitt eignastýringarþjónustu fyrir stærri eignasöfn (Auðlegðarþjónustu) frá því í apríl 2008.  Árangur í fjárfestingum hefur verið afar góður og vel hefur tekist að verja og ávaxta eignir viðskiptavina enda gerir óháð staða Auðar okkur kleift að veita ávallt ráðgjöf sem best þjónar hagsmunum viðskiptavina.


Senda grein

Ástæður þess að viðskiptavinir velja eignastýringarþjónustu Auðar eru:

Gagnsæi og gott upplýsingaflæði

Svar:

Við leggjum mikið upp úr því að viðskiptavinir hafi greiðan aðgang að upplýsingum. Góður aðgangur að ráðgjöfum og heimabanka auk reglulegra samskipta eru helstu þættir í upplýsingagjöf. 

Óháð fjárfestingaráðgjöf

Svar:

Einn af lykilþáttum í þjónustu Auðar er að geta veitt óháða ráðgjöf þar sem Auður rekur ekki eigin verðbréfasjóði. Við getum fjárfest hjá öllum helstu fjármálafyrirtækjum landsins og getum valið þann kost sem okkur þykir vænstur á hverjum tíma. Auður Capital stundar ekki stöðutöku á markaði, sem þýðir að Auður stendur ekki í kaupum og sölum á hlutabréfum fyrir eigin reikning. Þetta kemur í veg fyrir mögulega árekstra milli hagsmuna fyrirtækisins og hagsmuna viðskiptavina. Að lokum má nefna að félagið er í meirihluta eigu stofnenda og starfsmanna en að öðru leyti í dreifðri eignaraðild. Við munum ekki láta eigin fjárhagslegan ávinning og/eða hagsmunatengsl koma í veg fyrir að ráðgjöf okkar sé óháð.

Trúverðugleiki og traust staða

Svar:

Auður er skuldlaust fyrirtæki. Sterk eiginfjárstaða okkar gerir það að verkum að við getum einbeitt okkur að vexti fyrirtækisins en þurfum ekki að standa í björgunaraðgerðum. Rekstur félagsins fyrstu tvö árin hefur gengið vel og komum við viðskiptavinum okkar í gengum erfiða tíma án þess að þeir yrðu fyrir tjóni og höfuðstóll eigna óx með ágætum. Við fjárfestum til langs tíma og erum áhættumeðvituð í okkar fjárfestingum. Ábyrgð okkar er víðtæk, gagnvart viðskiptavinum okkar, samfélagi og umhverfi.

Virk samskipti

Svar:

Það er mikilvægt að gott samband skapist milli viðskiptavinar og ráðgjafa, við sníðum tíðni samskipta við ráðgjafa eftir þörfum hvers og eins. Við leggjum áherslu á að viðskiptavinir okkar hafi sem bestan skilning og upplýsingar um þau viðskipti sem eru framkvæmd. Því teljum við mikilvægt að vera í virkum og góðum tengslum við viðskiptavini okkar og um leið að byggja upp traust viðskiptasamband.

Auður leggur ennfremur áherslu á:

Ábyrgð gagnvart viðskiptavinum, samfélagi og umhverfi

Svar:

Markmið okkar er að starfsemin skili hagnaði en okkur er ekki sama hvernig við högnumst. Við höfnum því að velja þurfi á milli fjárhagslegs og samfélagslegsávinnings. Við getum öll lagt lóð á vogarskálarnar, með því að fjárfesta af skynsemi, með það fyrir augum að auka arðsemi eiginfjár og arðsemi samfélagsins. Auður leggur sig fram við að bæta viðskiptahætti og viðskiptasiðferði á þeim markaði sem við störfum.

Fræðslu og “fjármál á mannamáli“

Svar:

Við bjóðum viðskiptavinum eignastýringar reglulega á fundi sem við köllum „föstudagur til fjár“. Þar bjóðum við upp á áhugaverða fyrirlestra um fjármál líðandi stundar á mannamáli. Okkur er það mikið í mun að viðskiptavinir okkar fái góðar upplýsingar um það sem er að gerast í fjármálaheiminum og hvaða afleiðingar t.d. hækkun/lækkun vaxta eða annarra breyta hafa á þjóðarhaginn. Þessir fundir hafa verið haldnir nánast frá stofnun Auðar og mælst mjög vel fyrir.

Góða langtímaávöxtun

Svar:

Markmið okkar er ávallt að leitast við að ná góðri langtímaávöxtun. Við munum ekki freistast til að taka óþarfa áhættu í von um skammtímagróða, við leggjum áherslu á að vera meðvituð og skilja þá áhættu sem við tökum.

Mannlega nálgun

Svar:

Fólk, fyrirtækjamenning og mannlegt innsæi skipta sköpum hjá Auði. Við leggjum áherslu á að vera í góðum samskiptum við viðskiptavini okkar og að þeir hafi góðan aðgang að sínum ráðgjafa. Við tölum hreint út og leggjum áherslu á gagnsæi í öllum okkar aðgerðum. Það er okkur kappsmál að koma ávallt fram af virðingu við viðskiptavini og samstarfsaðila, með gagnkvæman ávinning að leiðarljósi.
Þú ert hér: Forsíða > Eignastýring > Auðlegð

Efri linkar

Tungumál

innside_banners_gudlaug
Áhættumeðvitund hefur skilað okkur góðum árangri

AUÐUR CAPITAL| Borgartúni 29| 105 Reykjavík| S. 585 6500| F. 585 6515| kt. 640507-0390| audur@audur.is | BIC:AUCAISR1

Þetta vefsvæði byggir á Eplica