Algengar spurningar og svör

Svar:

FramtíðarAuður er séreignarsparnaður Auðar Capital. FramtíðarAuður hóf starfsemi sína í apríl 2009.

Svar:

Það er einfalt að gerast viðskiptavinur FramtíðarAuðar. Þú getur fyllt út eyðublað og sent okkur eða komið til okkar í Borgartún 29 og rætt málin við ráðgjafa okkar. Sjá einnig: Gerast viðskiptavinur.

Svar:

Já, það er einfalt að flytja séreignarsparnað til FramtíðarAuðar. Langflestir sjóðfélagar kjósa að flytja inneign frá öðrum vörsluaðilum enda eru ákveðin þægindi fólgin í því að hafa allan sinn séreignarsparnað á einum stað. Fylla þarf út sérstakt eyðublað og munu ráðgjafar FramtíðarAuðar sjá um að hafa samband við vörsluaðilann og fylgja flutningnum eftir.

Svar:

Já, FramtíðarAuður er vörsluaðili séreignarsparnaðar, en ekki lífeyrissjóður, og  tekur því eingöngu við iðgjöldum vegna séreignasparnaðar.

Svar:

Auður Capital er trú gildum sínum um gagnsæi, áhættumeðvitund og að vera óháð. Þegar fjármálakerfið hrundi í október 2008

þá náðum við að verja viðskiptavini okkar fyrir tjóni og höfuðstóll eigna hefur vaxið með ágætum.

Sömu sérfræðingar stýra sjóðum FramtíðarAuðar og sama hugmyndafræði er viðhöfð. Við erum trú gildum okkar og áherslum. Það er þitt að velja hverjum þú treystir best til að ávaxta séreignarsparnaðinn þinn næstu ár og áratugi.

Svar:

Já, séreignarsparnaður er ótvírætt besta leiðin til að spara fyrir efri árin. Margir kostir eru við séreignarsparnaðarformið og þar skiptir mestu 2% mótframlag launagreiðanda.

Svar:

Sjóðfélagar FramtíðarAuðar fá aðgang að Sjóðfélagavef og þar er hægt að fylgjast m.a. með gengi sparnaðarleiðar, hreyfingum og inneign.

Svar:

Ávöxtunin hefur verið góð frá upphafi en FramtíðarAuður - séreign hóf starfsemi í apríl 2009. Hér má finna upplýsingar um ávöxtun.

Svar:

Mismiklar sveiflur eru í ávöxtun Sparnaðarleiðanna en í FramtíðarAuði er hægt að velja á milli 6 sparnaðarleiða. Sparnaðarleiðirnar eru mjög misjafnar, allt frá Leið I sem hefur heimild til að fjárfesta allt að 65% í hlutabréfum og til Leiðar VI sem er 100% í verðtryggðum innlánum. Mikilvægt er að sjóðfélagar taki upplýsta og meðvitaða ákvörðun. Kynntu þér málið hjá ráðgjöfum okkar.

Svar:

Já. Allir vörsluaðilar taka einhvern kostnað. Við leggjum hins vegar mikla áherslu á gagnsæi og að allt sé uppi á borðinu. Kostnaði, eða svokölluðu umsýslugjaldi, höldum við í lágmarki og má sjá kostnaðinn í gjaldskránni. Þegar ávöxtunartölur eru sýndar þá hefur verið tekið tillit til kostnaðar og sýnd ávöxtun er því sú ávöxtun sem sjóðfélagar fá að kostnaði frátöldum.

Svar:

Það er heimilt skv. lögum að taka séreignarsparnaðinn út í einu lagi við 60 ára aldur, þó í fyrsta lagi tveimur árum eftir að sparnaður hefst. Einnig er heimilt að dreifa greiðslum ef sjóðfélagi óskar eftir því. Við fráfall er séreignarsparnaður greiddur út til erfingja. Við örorku er greiðslum dreift yfir lengri tíma, þó er heimilt að fá greitt út í eingreiðslu ef upphæðin er undir viðmiðunarfjárhæð sem er nú um 900 þús.

Svar:

Já, séreignarsparnaður er eign sjóðfélagans. Við andlát er innistæðunni skipt á milli lögerfingja og greidd út til erfingja. Lögerfingjar greiða ekki fjármagnstekjuskatt af útgreiðslunni. 

Svar:

Iðgjöld fara óskattlögð inn í séreignarsparnaðinn og því er greiddur skattur við útborgun eins og um laun væri að ræða. Í raun er því verið að fresta greiðslu tekjuskatts. Ekki er greiddur fjármagnstekjuskattur af séreignarsparnaði og enginn erfðaskattur er greiddur við útborgun vegna fráfalls.

Svar:

Vegna áfalla í efnahagslífinu hefur verið heimilað skv. lögum að fá tímabundið greitt úr séreignarsparnaði. Eyðublað er hægt að nálgast hér á vefnum en allar nánari upplýsingar veita ráðgjafar okkar.

Svar:

Nei, greiðslur úr séreignarsparnaði skerða ekki lífeyrisgreiðslur frá almannatryggingum.