Tómas hóf störf hjá Auði í ársbyrjun 2008. Hann var starfsmanna- og rekstrarstjóri hjá Íslenskri erfðagreiningu frá árinu 2001, en fram að því gegndi hann ýmsum stjórnenda og tæknistörfum hjá OZ, Kögun og Verk og kerfisfræðistofunni.

Tómas lauk rafmagnsverkfræði og tölvunarfræði í Washington University í St. Louis árið 1987, og lauk meistaranámi í fjármálum fyrirtækja við Háskólann í Reykjavík vorið 2009.

Tómas er stjórnarformaður Gagaríns. Tómas er íslenskur bóndi inn við beinið, og keyrði líklega um á gömlum Zetor ef konan hefði ekki komið honum á Land Rover. Frítímum eyðir Tómas mjög gjarnan í félagsskap fjölskyldunnar og annara góðra vina, og þá helst í útilegum á einhverjum útnáranum. En þegar það ekki býðst þá getur hann unað sér svo dögum skiptir við lagfæringar á húsi eða garði, við (skot)veiðar, fjallgöngur eða skíðamennsku. Eftir að hafa dvalið langdvölum erlendis, er nú svo komið að Tómas er á því að Ísland sé best í heimi, og þá helst vegna veðursins. Hér séu einungis tvær tegundir veðurs, gott og mannbætandi.