Dagsverk Auðar
Dagsverk Auðar er samfélagsverkefni starfsmanna Auðar Capital. Það felst í því að starfsmenn gefa andvirði launa sinna í einn dag á ári í verðugt málefni. Ennfremur vinna allir starfsmenn Auðar sem nemur einum vinnudegi á ári í þágu góðs málefnis.
Sjálfboðastarf
Í lok ársins 2008 hóf Dagsverk Auðar samstarf við Rauða kross Íslands. Starfsmenn Auðar standa vaktina í verslun Rauða krossins að Laugarvegi annan hvern fimmtudagseftirmiðdag.
Verslanir Rauða krossins selja fatnað og annan varning sem fellur til í fatasöfnunum. Sjálfboðaliðar sjá að langmestu leyti um afgreiðslu í verslununum og rennur því allur afrakstur starfseminnar til hjálparstarfs og neyðaraðstoðar bæði innanlands og utan. Starfsemin fellur í senn í sér fjáröflun til neyðaraðstoðar sem og kjörið tækifæri til endurnýtingar, kaupum á ódýrri vöru og möguleika á að eignast eitthvað einstakt.
Sjálfboðastarf í þágu góðs málefnis er mannbætandi og hvetjum við öll fyrirtæki til að gefa starfsfólki sínu tækifæri á að sinna sjálfboðastarfi.
Fjárframlög
Allir starfsmenn Auðar gefa árlega andvirði einna dagslauna til samfélagsuppbyggingar, góðgerðarstarfs og neyðaraðstoðar.
Góðgerðarsamtök geta sótt um framlag frá sjóðnum dagsverk@audur.is
Þriggja manna nefnd skipuð starfsmönnum Auðar tekur ákvarðanir um styrkveitingar. Úthlutanir fara fram í apríl og desember ár hvert.
